قصيدة عراقية ............... كلماتها بسيطة وحلوة

ساعة وتغيب الشمس ساعة ويجيني الليل

ينراد حيل ودمع ومنين اجيب الحيل

روحي حمامة صفت وبيت اهلي ادور

اشتاكيت لامي انا ولخبزة التنور

بديرة هلي بالطعم يختلف حتى الماي

وحتى الهوة يم هلي يختلف والله هواي

كل ليلة تسوى العمر لو كعدوا اهلي وياي

يامنطقتنا حلـــــــــم ارجع لاصحابي

كل ساعة صاحب يجي ويدك علي بابي

محتاج محبوبتي الحلوة ام جفن غافي

اتمنى هسة تجي وتغفى على اجتافي